قالت : وش أحلى مايقول المحبين؟
ساعة لقاهم بعد غيبه طويله
قلت :اصبري,قالت : انا اقولك زين ؟
قلت : اتمنى ماتكوني بخيله
قالت : عسى موتي على يديك هالحين
وان كان قيلت بين خل وخليله
قلت : احــبكيها صـح يـاقرة العين
قلبي يبيها صدق تشفي غليله
قامت تفكر, قلت :يالله ,وبعدين؟
كن اصــبعك طول بلـف الجـديــله !؟
قالت : (كليب),وقلت:خير! شتقولين ؟
قالت:رجع !! وشــو شعــور (الجـليـله)؟
قلت : (اليمامه) !ماهي اقوى تحسين ؟؟
من يوم غـاب (جـبير) صـارت هبـيله
وشبك سكتي ؟ ليه قمتي تلفــــين
قالت : اخاف ان قلت تطلع ثقيلـه
أخاف اقول وكلمتي تجرح الديـــن!!
واشيل ذنبٍ مقدر اني اشيلــه
استغفر الله وين وصلتني ويــــن ؟
وانت تغرفني والاصيله أصيله
يوم احضنتني. دمعت ,قلت :تبكـــين؟
قالت :اظن الدمع أصدق وسيله
ردت .وقالت :وش عذاب المحبـــيـن
قلت :الغياب ! وفي عيونك دليـــله
موضوع: ماأصعب الغيـــــاب عندما يكون عندما يكون هناك من ينتظركـ ....... 
السبت أغسطس 09, 2008 9:16 am
