صور لميس بالفيصلية

اللي دعاني لكتابة هالموضوع هو منظر شفته أمس في فيصليتنا الحبيبة مصيف أهل الرياض

ياما شفنا فيها من تقليعات وحركات هبال ويا ما حنشوف ..

تفأجأت هالمره بالمنظر لأني كنت أحسب حمى المسلسلات التركية طفت شوي..

بس شكل الفراغ عامل عمايله في شبابنا

ما لكم بالطويلة ..

كنت طالع الفيصلية أمس وأنا طالع عالدرج قالت لي أختي : لف وراك شف ذالمتخلفين وش مسويين

حاولت ما أبين إني أطالع ولفيت وجهي وشفت شابين سعوديين في عمر الزهور..

واحد لابس ثوب والثاني تي شيرت والكشرة ماليه وجيههم وملامحهم تقطر فخر وشموخ

طبعا ما دريتوا ليه الفخر والشموخ ؟ أنا أقولكم

كانوا طابعين صورة لميس حقت سنوات الضياع (الممثلة التركية ) على صدورهم

ورازين خششهم في كل مكان مبسوطين على لفت الإنتباهـ والتعليقات والهمهمة والتهزيئات اللي

تجيهم من هذا وذاك وين ما راحوا ( على بالهم مسوين حركة ) لا ويقول واحد منهم تعال نروح

لصالة المطاعم ماشافونا هناك ؟؟؟

الحمد لله والشكر يا مثبت العقول بس !

بس من هي لميس ووش سوت عشان تنرز صورتها بهالطريقة على

صدور رجال مشوربين وكل واحد كبر ابوه.. تصدقون ما ذكرت إلا المثل اللي يقول

( أجسام البغال وعقول العصافير ) !!!

..

الموضوع منقووووووووووووووووول

وحبيت أعلق عليه

بصراحه كارثة اللي وصلنا لها .. انا ما أنكر اني أتابع المسلسل لكن .. كل شي وله حدود

يعني تمنيت أشوف هالمناظر تضامنا مع رسولنا او شعب فلسطين او العراق


الأن شوفوا الصور وقولوا رايكم فيها


















أنتظركم ..